BulSU Spikers men, wagi sa Suc's III

Muling naghari ang Goldgear Volleyball men sa State Universities and Colleges III (SUC’s III) Olympics na ginanap sa Tarlac State University noong Disyembre 16- 21.

Nag-uwi ang naturanf kuponan ng anim na ginto, tulad ng kanilang ninanais, laban sa 13 na katunggaling kolehiyo sa buong rehiyon.

“Masaya kami, kasi nagbunga ‘yung pagihirap naming sa tuwing may training.” ani ni Emmanuel Reyes.

Ayon sa mga manlalaro, pinaghandaan talaga nila ang naturang kompetisyon, lalo pa’t sa alam nila na  malakas ang TSU na nakalaban nila noong nakaraang taong SUC’s Olympics.

“Masaya kami kasi yung pinagpaguran ng mga bata nagbunga ng maganda at mas lalo pa namin pagbubutihin na maging maayos yung training nila sana gawin nila yung best nila pag nilaban na sila sa national,” ani ni Jocelyn Bartolome, ang coach ng Goldgears Volleyball men.

Samantala, patuloy ang paghahanda ng koponan sa kompetisyon sa national SCUAA na gaganapin sa Western Visayas State University, Iloilo City.#Jovelyn Bautista